Romanûsê kurd Burhan Sonmez di kategorîya “Şahidiya Serdema Me” de Xelata Hemingway a 2026an wergirt ku yek ji xelata herî bi nirx a wêjeyî ya Îtalyayê ye.
Jurîya Premio Hemingway ku xelatê dide nivîskar, entelektuel û kesên bi çandê re eleqeder in, xebera derbarê mijarê de ragihand. Merasîma ji bo xelatê wê di 27ê hezîranê de li bajarokê Lignao Sabbiadoro yê li Îtalyayê bê lidarxistin. Ev bajarok yek ji ciyêkî ye ku Ernest Hemingway lê maye û loma jî li mîrateya nivîskar xwedî derdikeve.
Sonmez bi xebatên xwe yên wêjeyî yên ku temayên wan hiş, edalet, serbilindîya mirov û azadî ye, tê naskirin. Ew bi roman û gotarên xwe bû yek ji kesê herî bi bandor ê wêjeya nûjen. Sonmez di xebatên xwe de li ser civakên hatine marjînalkirin û bandorên domdar ên şîdeta polîtîk û serhildadanan disekine.
Nivîskarê kurd li Tirkîyeyê hat dinyê û bi saya tevlîkirina çîrokên takekesî ya bi realîteyên hîn berfirehtir ên dîrokî û polîtîk, ji alîyê qada navneteweyî ve hat naskirin. Romanên wî ji bo gelek zimanan hat wergerandin û gihîşt xwînerên li çaralîyê cîhanê.
Ji bo Burhan Sonmez û wêjeya kurd pir bi qîmet e
Xelat ji bo Burhan Sonmez û xebatên wî yên wêjeyî bû venasîneke navneteweyî ya giring. Wekî nivîskarekî kurd ku naveroka xebatên wî ji nasname, hiş, sirgûn û mafên mirov pêk tê, Sonmez tecrûbe û perspektîfa kurdan anî ber derîyê xwînerên cîhanê. Hilbijartina wî ji bo Xelata Heminway hebûna wêjeya kurd a di dika navneteweyî de derxist pêş. Ev yek ji bo xwîner, nivîskar û sazîyên çandî yên kurdan wekî geşedaneke serbilindîyê ye. Venasîn di heman demê de giringîya çîrokên ku rehên wan di dîrok û çanda kurdan de ye derdixe pêş û cîyê wan ê di wêjeya cîhanê ya nûjen de nîşan dide.
Derbarê Xelata Hemingway de
Xelata Hemingway yek ji xelatên herî bi qîmet ên çandî û wêjeyî yê Îtalyayê ye. Xelata ku cara ewil dayîna wê di 1984an de li bajarê Lignano Sabbiadoroyê dest pê kir, diçe ji nivîskar, hunermend û kesên ji alîyê civakê ve tên naskirin ku xebatên wan rêya famkirina kûr a civakê û meseleyên nûjen vedike. Xelata ku navê nivîskarê amerîkî Ernest Hemingwayê bi vê deverê têkilîyên wî yên nêzîk hebûne lê hatîye kirin, kesên ku xebatên wan ên serfiraz sekna întellektuelî, dîyaloga çandî û nirxên humanîstî pêşkêş dikin, vedinase.
