Xalên giring
DYA ji bo roja duyemîn êrişên xweyên li ser hedefên leşkerî yên Îranê domand.
Trump ragihand ku peymana rawestandina şerbi dawî bûye.
Îran bi fuze û dronanêriş bir ser baregehên DYAyê yên li Kuweyt û Behreynê.
Alozîya li Tengava Hurmuzê bandorê li bazarên petrolê kir û buhayê petrolê zêde bû.
Amerîka êrişên xwe yên li dijî Îranê di roja duyemîn de domand. Gelek navendên leşkerî yên li başûrê Îranê bûn hedefa êrişên hewayî. Bi vî awayî alozîya di navbera Dewletên Yekbûyî Amerîkayê (DYA) û Îranê de careke din derket asteke bilind. Serokê DYAyê Donald Trump ragihand ku peymana ji bo rawestandina şer “qediyaye.”
Li gor daxuyaniya Fermandariya Navendî ya Leşkerê DYAyê (CENTCOM), hedefên van êrişan pergalên parastina esmanî, depoyên fuzeyan û dronan, amûrên çavdêriyê û hin avahiyên lojîstîk ên li peravên Îranê bûn. Washington got, armanc ew e ku kapasîteya Îranê ya ji bo gefa li ser rêyên deryayî, bi taybetî jî li Tengava Hurmuzê, kêm bike.
Tehranê jî bersiv da êrişên DYAyê û bi fuzeyan û dronan êriş bir ser baregehên leşkerî yên DYAyê yên li Behreyn û Kuweytê. Hişyariya ewlehiyê li welatên Kendavê hat bilindkirin.
Li alîyekî din, Trump hişyar kir ku eger êrişên li ser keştiyên bazirganîyê yên li Tengava Hurmuzê dûbare bibin, bersiva DYAyê dê tundtir be. Rayedarên Îranê jî dîyar kirin ku welatê wan li hember zextan paş de gav navêje û mafê xwe yê parastinê diparêze.
Ev geşedan hêviyên ku Memoranduma Têgihiştinê (MoU) ya di meha Hezîranê de bibe bingehek ji bo peymanek mayînde, lawaztir kirîye. Gelek pispor dibêjin ku her çend hîn jî deriyê dîplomasiyê bi tevahî nehatiye girtin jî, piştî êrişên dawî vegera her du aliyan ser maseya danûstandinan wê zehmetir be.
