Şaredariya Kayapinarê ya Amedê di 6’ê Nîsanê de, 2. Tûrnûvaya Voleybolê ya Jinan da destpêkirin. Tûrnûva ji aliyê Gerînendetiya Xizmetên Ciwan û Sporê ya şaredariyê tê organîzekirin.
Gerînendetiya Xizmetên Ciwan û Sporê ya şaredariyê armanca tûrvûvayê wekî ku jinan bi rêya sporê bîne ba hev û bi saya hêza yekîtiyê ya sporê hevgirtina jinan derxîne pêş da ragihandin.
Ji bo tûrnûvayê, bi 30 saziyên jinan hevdîtin hatiye kirin. Ji van saziyan 21 tîman serî lê dane û di turnuvaya ku di 6’ê Nîsanê da destpêkirin de dilîzin.
Tûrnûva li Hêwana Sporê ya Sergirtî ya Şaredariya Bajarê Mezin a Amedê (Tesîsên Amedsporê) tê lidarxistin. Sporhez dikarin li vê hêwanê li berebaziyên tîman temaşe bikin.
