Parlemana Ewrûpayê di 12’ê Sibatê de, li bajarê Strasbourg ê Fransayê li ser Rojavayê Kurdistanê civînekê li dar dixe.
Di civînê de li ser pêşnûmaya biryarê ji bo rewşa Rojava deng wê dayîn.
Pêşnûma ji aliyê 5 komên li parlemanê, Keskan, EPP, Muhafezekar, Renew û Demokratên Sosyal ve hat amadekirin.
Van 5 koman ji bo parastina mafên Kurdan û îstikrara herêmê nexşerêyeke berbiçav pêşniyar dikin, daxwaz dikin ku mafê welatîbûnê bidin Kurdan û zimanê Kurdî wekî zimanê netewî bê qebûlkirin û van mafan di qanûna bingehîn a ku nû wê bê çêkirin de bê misogerkirin.
Di pêşnûmayê de hat xwestin ku şîddeta li dijî sivîlên li Rojava bê sekinandin û agirbesta herêmê bê parastin.
Herweha, li ser astengiyên li pêşiya peymaneke mayînde ya di navbera Kurdên Rojava û hikûmeta demkî ya Şamê de jî hat gotin ku siyaseta navendî ya tund a hikûmeta Sûriyê, di halê hazir de, bi modela rêveberiya xweser a li rojhilatê bakurê Sûriyê hatiye sazkirin ve li hev nake û vê rewşê muzakereyan dijwar dike.
