Şaredariya Hîlwanê (Curnê Reş) bernameyeke perwerdehiyê ya girîng li dar xist. Armanca sereke ev e ku polîtîkayên jinan bixe navenda rêveberiyên herêmî û xûrt bike. Perwerdehî bi hevkariya Yekîtiya Şaredariyên Herêma Anatoliyaya Başûrê Rojhilat (GABB) û Gerînendetiya Polîtîkayên Jinan a Şaredariya Peyasê hatibûn organîzekirin, li ser wekheviya zayendî û nûnertiya jinan di rêveberiyên herêmî de sekinîn.
Perwerdehiyeke piralî û kûr
Di bin sernavê “Hêzkirina Gerînendetiyên Jinan û Wekheviya Zayendî” de, ji bo avakirina nêzîkatiyeke jin-navendî di rêveberiyên şaredariyan de pêşkêşiyeke berfireh hat dayîn. Perwerdekarên GABB û Gerînendetiya Polîtîkayên Jinan mijarên jêrîn bi awayekî kûr vekolîn û vegotin:
Pergala Rêveberiyên Herêmî û Etîka li Qadê; nêzîkatiya pîşeyî di xizmetên li ser bingeha mafên jinan, Aboriya Jinan di Kooperatîfan de; modelên herêmî ji bo zêdekirina beşdariya jinan di jiyana aborî de û Amadekirina Budçeya Hestiyar; budçekirina ku zayenda civakî li ber çavan digire û bi awayekî ku wekheviya zayendî misoger bike.
Armanca bingehîn rêveberiya herêmî ya jinan e
Armanca sereke ya vê bernameyê ew e ku kapasîteya îdarî ya gerînendetiyên jinan ên di şaredariyan de zêde bike û pratîkên di vî warî de bên xurtkirin. Beşdaran diyar kirin ku perwerdeyeke bi vî rengî gaveke pir erênî û girîng e ji bo avakirina nêzîkatiyeke xizmetê ya berfireh, wekhev di rêveberiyên herêmî de.
Gerînendetiya Polîtîkayên Jinan armanca bingehîn a bernameyê bi van gotinan bi dawî kir: “Ev bername ne tenê perwerdeyeke teorîk e, di heman demê de gaveke pratîk e ji bo guhertina rastiya jiyana rojane ya jinan li herêma weke Cûrnê Reş…”
Nûçe ji Beşa Çapemenîyê ya Beledîyeya Peyasê hatîye girtin.
