Zivistan îsal li hin kantonên Swîsreyê giran derbas dibe.
Berfa zêde bi taybetî li Valaisê bandoreke mezin li jîyana welatîyan dike.
Îro danê sibeyê trêneke li vê kantonê ji ber berfê ji rê derket.
Qeza li aliyê başûrê Tunela Lötschbergê, di navbera Goppenstein û Hohtenn de ku li rojhilatê Kantona Valaisê ne pêk hat.
Du ambulans, helîkopterek û heşt pisporên rizgarkirinê sewqî cihê bûyerê hatin kirin.
Gerînendetîya Polîs a Kantonê Valaisê ragihandin, di qezayê de 5 kes birîndar bûne.
Rêyên Hesinî yên Federal ên Swîsreyê (SBB) û şîrketa rêhesinê ya BLSê ragihandin, rêya qeza lê pêk hatîye ji hatûçûnê re hatîye girtin.
Di dewsa rêya hesinî de bi otobusan xizmet ji welatîyên li deverê re tê pêşkêşkirin.
Ku der e Valais?
